Көн вакыйгасы
-
“Берегиня” клубы җитәкчесе Земфира Рәхимованы тантаналы рәвештә ялга озаттылар
Земфира Кәлимуллина пенсионерлар оешмасын 11 ел җитәкли. Бирегә 60тан артык өлкән шәһәрдәш йөри. Яшьләре 70тән артса да, картаерга вакыт юк, ди алар үзләре. Спортта да, иҗатта да актив. Күп кенә чараларның чишмә башында – Земфира Рәхимова тора. Клуб әгъзалары җитәкчеләренә рәхмәт сүзләре җиткерә.
-
Түбән Кама юлларында камералар урнаштыралар
Аларның төп максаты – машина йөртүчеләрне юлларда тәртип сакларга өндәү һәм аварияләр санын киметү. Камераларны махсус транспорт күп йөри торган участокларда урнаштыралар. Мисал өчен бүген аларны Химиклар – Төзүчеләр проспекты кисешендәге светофор баганаларына элделәр.
-
Билгесез затлар Менделеев урамындагы 32 нче йорт тирәсендәге канализация люкларын урлаганнар
Караклар 5 коеның капкачын салдырып алып киткәннәр. Бу хәлләр төнге вакытта булган. Хәзер «Водоканал» хезмәткәрләре кое өсләрен уратып алганнар. Белгечләр әйтүенчә, металл капкачларын урлау очраклары Түбән Камада еш очрый.
-
Шагыйрь, көрәшче, Бөек Ватан сугышы герое... Түбән Камада Муса Җәлилне искә алдылар
Аның тууына быел 117 ел. Шул уңайдан патриот шагыйрьнең һәйкәле янында митинг узды. Аннары искә алу чарасы Яшь тамашачы театры бинасында дәвам итте.
-
Түбән Кама укучылары сафта йөрү һәм җыр смотрында катнаша
Түбән Кама укучылары сафта йөрү һәм җыр смотрында катнаша. Бүген шәһәребезнең яшь армиячеләр отрядлары чыгыш ясаса, иртәгә район мәктәпләрендә белем алаучылар үз осталыкларын күрсәтәчәк. Барлыгы 21 команда.
-
Кама Аланы бистәсендә яшәүчеләр борчыган сорауларын уртага салып сөйләштеләр
Юллар юклыгы, югары тарифлар, шәхси сораулар... Кама Аланында яшәүчеләр борчыган сорауларын уртага салып сөйләштеләр. Биредә халык җыены үтте. Очрашуга Түбән Кама муниципаль районы башлыгы Рамил Муллин да килде.
-
Түбәнкамалылар һәм райондашларыбыз өлешчә мобилизациягә эләккән ир-атларга ярдәм кулы сузуларын дәвам итәләр
Хатын-кызлар йөзләгән пар оекбаш, бияләй-перчаткалар, жилетлар бәйлиләр. Бу эштә Кама Аланы бистәсендә яшәүчеләр дә активлык күрсәтә, алар җылы киемнәрне кич утырып бәйлиләр. Безнең төшерү төркеме шундый игелекле түбәнкамалы Гәүһәрия Ханжинада булып кайтты.
-
Җырчы табиб йөрәге
Үзәк китапханәдә Татарстан Республикасының атказанган табибы, Язучылар берлеге әгъзасы Марс Хафизов белән очрашу узды. Ул гомере буе хатын-кызлар табибы булып эшли. Ак халатлы фәрештә булуы белән беррәттән Марс Хәмәтюныс улы күңелендә әдәбиятка мәхәббәт йөртә. Йөзләгән шигырь иҗат итә.
-
Газны вакытында тикшертү мөһим
Горгаз хезмәткәрләре, чираттагы тапкыр шуның турында искәртә. Атна башыннан Россия буенча ике зур газ шартау очрагы теркәлә. Шуңа да белгечләр шәһәрдәшләр белән профилактика чаралары уздыралар. Зәңгәр ягулыкка карата җаваплы булырга өндиләр. Бүген Горгаз вәкилләре Корабельная урамындагы 60 нчы йортта булдылар.
-
Түбән Камада “Ел тәрбиячесе - 2023” бәйгесенең зона этабы узды
Балалар бакчаларында эшләүче тәрбиячеләр, логопедлар, физик культура инструкторлары үзләренең һөнәри алымнары белән таныштырдылар. Жюри әгъзалары беренче чиратта – белгечләрнең балаларны кызыксындыра алу яки алмавына игътибар бирә.
-
Урманнарны янгыннар, бәла-казалардан саклау төп бурычыбыз
Түбән Камага эшлекле сәфәр белән килгән урман хуҗалыгы министры Равил Кузюров белгечләр алдында шундый максат куйды.
-
Бөтендөнья татар конгрессының Түбән Кама бүлеге җитәкчесе Рөстәм Ганиев бүген туган көнен билгели
Түбән Кама шәһәренең мактаулы гражданина 71 яшь тула. Гомер бәйрәмен Рөстәм Ганиев эш урынында каршылый. Котлау сүзләрен безнең иҗат төркеме дә җиткерде
-
Үзәк Җәмигъ мәчете вәкилләре Луганск Халык Республикасында булып кайта
Дин вәкилләре Алчевск шәһәренә бара. Төп максатлары – анда яшәүче халыкка матди һәм рухи яктан ярдәм итү була. Шәһәрдәшләребез өлешчә мобилизациягз эләгүчеләр өчен җылы киемнәр, медицина препаратлары, халыкка хәләл ризыклар, китаплар алып баралар.
-
Түбән Камада рәсми рәвештә сәламәтлек һәм сәламәт яшәү рәвеше елына старт бирелде
Түбән Камада ачык һавада сәламәтлек фестивале узды.Спорт чараларында һәркем үзенә шөгыль таба алды: балалар хәрәкәтле уеннарда катнаштылар, өлкәннәр йөгерү эстафетасында көч сынаштылар.
-
Түбән Камада “Ел рәссамы - 2022” күргәзмә-бәйгесенә йомгак ясадылар
Әлмәт һәм Яр Чаллыда гына уздырылган иҗади чараны быел шәһәребездә дә оештырырга булалар. «Ел рәссамы» исеме сәнгать өлкәсендә актив тормыш алып барган иҗат әһелләренә бирелә.
