13 июль 2018 яңалыклары

Туристлар футбол буенча чемпионат вакытында Казанда 11,2 млрд акча тотканнар.

Кичә «Татнефть» компаниясенең «ТАНЕКО» нефть эшкәртү комплексында керосинны һәм дизель ягулыгын гидрочистарту установкасын эшләтеп җибәрү тантанасы булды.

2018 елның икенче яртысы өчен «Туган як» ка язылучыларыбызга «Туган як»тан бүләк» конкурсы уздырабыз, дип вәгъдә биргән идек. Вәгъдә – иман, диләр. Менә ул көн килеп тә җитте. Киләсе атнага, төгәлрәге, 17 июль көнне сәгать 10 да, без икенче яртыеллыкка «Туган як»ка язылучылар өчен призлар конкурсын үткәрәчәкбез.

Бүген Түбән Камада, ВТБ банкы оештырган «Күз яшьләрсез дөнья» хәйрия акциясе кысаларында, перинаталь үзәкле шәһәр балалар хастаханәсенә медицина җиһазлары алу өчен 1 миллион 500 мең сумлык сертификат тапшырылды.

Түбән Кама телевидение вышкасында планлы төзекләндерү эшләре баруга бәйле рәвештә, телевидениенең кайбер каналлары вакытлыча күрсәтмәячәк.

Түбән Кама шәһәр Советы депутаты Василий Филиппов 17 июльдә үзенең сайлаучыларын кабул итә.

Түбән Кама делегациясе Екатеринбургта «Иннопром» халыкара форумында катнашты.

Татарстан Республикасы дәүләт һәм муниципаль хезмәтләр күрсәтү күпфункцияле үзәгенең Түбән Камада 2015 елдан бирле эшләүче филиалы, халыкка хезмәт күрсәтүче оешма буларак, тулысынча федераль таләпләргә туры китерелгән.

Изге Болгар җыенына әзерлек эшләре дәвам итә.

Түбән Камада узган ел оешкан җирле Риелторлар берлеге үзенең чираттагы утырышын уздырды.

«Химия шәһәрендә яшибез, сулаган һавабыз зарарлы, дип зарланырга яратабыз. Ә кайберәүләргә химия төтене генә аз күрәсең, һаваны тәмәке төтене белән дә агулыйлар. Мин – өлкән кеше, Химиклар урамындагы 94 нче йортта яшим. Квартирым – беренче катта. Барыбер ишегалдына еш чыгып йөри алмыйм. Урамны тәрәзәдән генә күзлим. «Саф һава»ны да форточка аша гына сулыйм. Дөресрәге, миңа һава урынына, тәмәке төтене суларга туры килә. Инде менә күпме вакыт тәрәзәдән тәмәке исе кереп, бүлмәләрдә чыдарлык хәл калмый. Соңгы вакытларда көннәр кызу булгач, тәрәзәне ачып, бүлмәләрне җилләтәсе килә. Ә аны ачсаң, тәмәке агуы керә. Бу минем сәламәтлеккә бик начар тәэсир итә.Тартмаучы башка күрше-күлән дә шундый фикердәдер. Буылып ютәлли башлыйм. Белүемчә, җәмәгать урыннарында тәмәке тарту тыела. Чөнки тирә-яктагы тартмаучы кешеләрнең сәламәтлегенә дә зыян килә. Балконда тартканда башка кешеләр дә сулый бит аның зәһәр төтенен. Беркөнне, тартканын сизеп, күршемә кисәтү ясаган идем: «Балконда тартуны закон тыймый», – дип кенә җавап бирде. Гражданнарның сәламәтлеген кайгыртмаган законның нигә кирәге бар икән?! Башкаларны санга сукмаучы шундый бәндәләргә бернинди чара да юкмы икән? Л.Габитова»

Ул гомеренең күпчелек өлешен җаваплы урыннарда эшләгән. Шулай да Түбән Кама шәһәре һәм районы халкына ул соңгы бер дистә ел эчендә генә танылып өлгерде. Шулай булмый соң, аның фамилиясе газета битләрендә еш басылып чыга, радио-телевидениедән ишетелә, әледән-әле үткәрелә торган мөһим чараларда да күп вакыт аның чыгыш ясаганын күрергә була, мәктәпләрдә һәм башка уку йортларында үткәрелә торган очрашуларда актив катнаша һәм, иң мөһиме, хәл ителәсе мәсьәләләргә карата үзенең төпле сүзен әйтә белә... Сүз Түбән Кама шәһәре аксакаллар шурасы рәисе Зирәк ШИҺАПОВ турында бара. Түбәндә аның белән әңгәмә урнаштырабыз.

Гомумроссия тикшерү нәтиҗәләреннән чыгып, рөхсәтсез чүплекләрне юкка чыгару буенча федераль рейтингта Түбән Камага икенче урын бирелгән.

Елның-елында машина йөртүче хатын-кызлар арасында «Автоледи» конкурсы уздыру шәһәребездә күркәм гадәткә әверелде. Быел ул 28 июльдә булачак.

Татарстан Республикасы Архив эше буенча дәүләт комитетының шәһәребездә узган күчмә утырышында Түбән Кама архив хезмәтенең халыкка хезмәт күрсәтү буенча алдынгылар сафында баруын әйткәннәр.