25 май 2018 яңалыклары

Г.Тукай исемендәге үзәк китапханә нигезендә Кол Гали исемендәге милли китапханә 12 ел элек ачылды. Әлеге мәдәни учакның эшчәнлек юнәлешләре нидән гыйбарәт, чыннан да, киштәләрендә төрле халык әсәрләре бармы, бүген китапханәче нинди сыйфатларга ия булырга тиеш дигән һ.б. сорауларга китапханә мөдире Гүзәлия ГЫЙБАДУЛЛИНА белән әңгәмәдә җавап алдык.

Кадерле чыгарылыш сыйныфы укучылары!

Яратмаган кешене үз итүе авыр. Хаталарың өчен гафу үтенү хурлык булып тоела. Әмма кайчак үз гаебеңне тану, сугыш балтасын күмеп кую гаиләдә иминлек, бәхет урнашуына китерә. Танышым Фәимә апаның тормышы шундый булып чыкты.

«Кама таңнары» әдәби берләшмәсендә тагын бер юбиляр – каләмдәшебез Рәсимә Нәбиуллинага 60 яшь тула. Ул 1958 елның ямьле май ахырында Түбән Кама районының Тоба авылында гади крестьян гаиләсендә туа. Кечкенәдән шигърияткә гашыйк кыз, үсә төшкәч, үзе дә шигырьләр яза. Ул 2008 елдан «Кама таңнары» әдәби берләшмәсенә йөри, шул ук елны «Бәхет җебе» исемле беренче җыентыгын бастырып чыгара. Актив һәм тынгысыз җанлы Рәсимәбез шәһәр һәм район күләмендә уздырылган чараларда актив катнаша. Шагыйрәнең туган якның гүзәл табигате, аның матурлыгы турындагы шигырьләре һәм мәхәббәт лирикасы күңелгә хуш килә, алар матбугат битләрендә әледән-әле басылып тора. Әдәби берләшмә эшен оештыруда тырышып эшләгәне өчен ул муниципаль район башлыгының Мактау грамотасы белән бүләкләнде. Ралия КӘРИМОВА.

Барча галәмнәрне юктан бар кылып, үзенең чиксез нигъмәтләре белән ризыкландыручы, ике дөньяның хуҗасы булган, рәхимле һәм рәхмәтле, ишетүче, күрүче, белүче, кодрәтле, бөек, юмарт Субхәнә вә Тәгаләгә барча мактауларыбыз булса иде, өйрәнгән гыйлем-гыйбадәтләребез бары тик Аллаһының ризалыгы өчен генә булып, әҗер саваплар насыйп булса иде.

/

«Кама таңнары» әдәби берләшмәсенең 50 еллыгы кысаларында, җирле язучыларны таныту һәм иҗатлары аша укучыларның туган телебездә аралашуларын камилләштерү йөзеннән булдырылган «Сүздән энҗеләр тезеп...» проекты авторы Нурзия Мирхазова 9 нчы кичә-очрашу үткәрде. «Туган ил хакына, туган җир хакына...» дип аталган бу чара 11 нче урта мәктәпнең актлар залында узды. Очрашуда шулай ук 9 нчы мәктәп, 24 нче лицей һәм 1 нче гимназия укучылары, аксакаллар шурасының җаваплы сәркатибе Мансур Ганиев, «Ак калфак» хатын-кызлар иҗтимагый оешмасы җитәкчесе Зөлфирә Бигашева һәм җаваплы әгъзасы Гөлназ Сафиуллина катнаштылар.

Пәйгамбәребез с.г.в. безгә изгелекләр кылуны озакка калдырырга кушмады, изгелекләр эшләүдә ашыгырга кушты. Мөэминнең тормышы санаулы, шуңа күрә көннәре һәм төннәре хәзинә кебек булырга тиеш. Һәрбер мизгеленнән үзенә ахирәттә файда китерә торган эш эшләргә тиеш.

Аллаһ илчесе с.г.в. безгә Рамазан аенда ураза тотучыларны шатландыра торган хәдисләрне әйтеп калдырган: «Ураза тотучы кешегә ике шатлык. Беренчесе – авыз ачканда, икенчесе – Раббысы белән күрешкәндә».

15 нче мәктәптә чираттагы  «Сәламәт тәндә – сәламәт рух» бәйгесенә нәтиҗә ясадылар.

Түбән Камада Химиклар көнен зурлап билгеләп үттеләр. Бәйрәм «Нефтехим-Арена» да оештырылды һәм анда якынча алты мең кеше җыелды.

Хөрмәтле газета укучыларыбыз! 2018 елның икенче яртысына «Туган як»ка яздыру кампаниясе дәвам итә.

29 майда 16 сәгатьтә «Бердәм Россия» җәмәгать кабул итү бүлмәсендә ТР Дәүләт Советы депутаты Илсөя Мезикова сораулары булган түбәнкамалыларны кабул итә.

Түбән Кама шәһәрендәге пассажирлар транспорты хәрәкәтен тирәнтен өйрәнү, аларда пассажирлар агымын, тукталышларга килү-кузгалып китү вакытына күзәтчелек итү максатыннан, махсус эш төркеме булдырылды.

Бөтенроссия китапханәләр көне уңаеннан, иртәгә – 26 майда Түбән Камада әдәби фестиваль була.