Мобилизациягә эләккән хәрбиләргә ярдәм

Сәхнәдә – нәни йолдызчыклар. Кечкенә артистлар изге эшкә үз өлешләрен кертәләр. Хәйрия концертында катнашалар.

Чыгышларның да тематикасы – үзгә. Артистлар мобилизациягә эләккән гаиләләргә мөрәҗәгать итәләр. Түземле, көчле булырга, авырлыклар алдында баш имәскә өндиләр. Сүз уңаеннан, араларында үзләре дә ирләрен, абыйларын хәрби операциягә җибәрүчеләр бар. Шуңа да хәйрия чарасын оештыру – уртак идея.

.Артистлар бик матур чыгыш ясадылар, дулкынландыргыч. Хәтта елап та алдым, ди концертка килүче

Барлык җыелган чаралар хәрбиләр өчен җылы киемнәр, кирәк-яраклар сатып алуга тотылачак. Гуманитар ярдәм бу атнада Казанга җибәрелергә тиеш.