Ислам динендә – татар шәхесләре

Түбән Каманың үзәк мәчетендә «Идел буе ислам динендә бөек шәхесләр» темасына түгәрәк өстәл узган. Чыгыш ясаучылар арасында хәзерге вакытта Мөслимдә яшәп эшләүче Әбделкәрим Моратов та булган. Ул дин белгече, татар халкының бөек улы Шиһабетдин Мәрҗәни турында сөйләде. Сәлимҗан хәзрәт исә Галимҗан Баруди, Фәнил хәзрәт Ризаэтдин Фәхретдин турында мәгълүмат бирделәр. Чара ике сәгатьтән артык барды. Милләттәшләребезнең бу кешеләр турында ишеткәннәре булса да, аларның дин үсешенә никадәр өлеш керткәннәрен белмиләр иде.