Түбән Каманың «Җиз кыңгырау» ансамбле «Туым Жондозы» керәшен яшьләр иҗаты бәйге-фестиваленнән гран-при яулый

Гран-при да –  безнекеләр исәбендә. Ансамбль биш ел элек оеша, анда мәктәп укучылары йөри. Яшьләр белән безнең төшерү төркеме аралашып кайтты.

Таныш булыгыз – «Җиз кыңгырау» яшьләр ансамбле солистлары. Чыгышлары –  моңлы да, сагышлы да, күңелләрне җилкендерерлек тә... Керәшен җырларын артистлар бар нечкәлекләре белән  башкаралар. Сәләтләрен «Туым жондызы» республика фестивалендә югары бәялиләр.

«Алар Түбән Кама керәшеннәренең фольклорын өйрәнәләр. Әби-бабалардан калган гореф-гадәләрне, җыруларны өйрәнәләр.  Хәзер бу бик мөһим. Яшьләр үз тамырларын онытмыйлар».

Буыннар чылбыры дәвам итә – «Җиз кыңгырау» ансамбле моның ачык дәлиле. Валерия Васильеваны коллективка әбисе алып килгән. Аннары сеңел-энеләре дә кушылган.  «Туым жондызы» республика фестивалендә яшь җырчы “Иң яхшы солистка” исеменә лаек була.

«Туым жондызы» республика фестиваленнән Түбән Кама коллективы 5 диплом белән кайта. Жюри әгъзалары ансамбль җитәкчесе эшен дә югары бәялиләр. Гран-при шулай ук –  безнекеләр исәбендә. Гаҗәп тә түгел. Киемнәре гади сәхнә костюмнары түгел, әбиләреннән калган чын хәзинә. Керәшен мәдәнияте, фольклоры белән кызыксынучы яшьләрне «Җиз кыңгырау» ансамбленә чакырып калалар.