Түбән Кама волонтерлары маскировка костюмнары әзерләүгә керештеләр

Түбән Камада «Игелекле йөрәкләр» төркеме волонтерлары яңа һөнәр үзләштерделәр. Хәрбиләр өчен «шүрәле» тибындагы костюмнары үрәләр. Әлеге саклагыч кием «Леший» дип атала. Ул джут җепләре үрелгән вак ячейкалы челтәрдән ясалган озын япмадан гыйбарәт.

Эскизларны 25 нче гимназиянең рәсем укытучысы Елена Потемкина әзерләгән. Ул шулай ук маскировка костюмнары ясау буенча махсус кулланма да төзегән. Аның сүзләренә караганда, мондый төр костюмнарга алгы сызыкта ихтыяҗ зур. Кием снайпер яки разведчикны дошманга күренми торган итә.