Татарстанда 12 меңнән артык үзмәшгуль кеше үзенең булачак пенсиясен формалаштыруга ирекле түләүләр күчергән

Һөнәри керемнән салым түләүче үзмәшгульләр иминият пенсияләрен үзләре билгеләргә хокуклы. Моның өчен Россия Социаль фондының Татарстан Республикасы бүлеге белән мәҗбүри пенсия иминияте шартларында килешү төзү зарур.

Бүгенге көндә бу хокуктан төбәкнең 12 240 кешесе файдаланган. 2026 елга кертемнәр өчен түбәндәге параметрлар билгеләнгән: минималь сумма – 71 525,52, ул бер еллык иминият стажы һәм 1,090 шәхси пенсия коэффициентына туры килә.

Кертемнең максималь күләме 572 204,16 сумны тәшкил итә, бу 8 720 ИПК тәэмин итә.