Түбән Кама йөртүчесен трассага исерек килеш чыккан өчен хөкем иттеләр

Hyundai Solaris руле артына исерек килеш утырган 38 яшьлек ирне 25 сентябрьдә Яңа Чишмә районының Казан — Оренбург трассасында тоткарлыйлар.

Алкотестер тикшерүе абсолют этил спиртының 0,873 мг/л күләмендә булуын күрсәтә, дип хәбәр итә «Шешминская новь» басмасы.

Түбәнкамалы суд утырышына килми, гаебен тулысынча таныганга, бу эшне аннан башка карауны үтенә.

Яңа Чишмә җәмәгать суды аңа 30 мең сум штраф сала һәм 1,5 елга машина йөртү хокукыннан мәхрүм итте.