СПОРТ

ХОККЕЙ. 12 гыйнварда Буа шәһәренең  «Олимпия» боз сараенда 2005 елгы яшүсмерләр командаларының Татарстан беренчелеге буенча чираттагы календарь матчы узды. Кама Аланыннан  «Олимп» һәм Буаның «Арктика» командалары очрашуы 4:5 исәбе белән хуҗалар файдасына тәмамланды.
БАДМИНТОН. 12-13 гыйнварда Казанда «Татарстан бадминтоны өметләре» ярышының  4 нче финал этабы үтте. Анда республиканың 24 районыннан 224 яшь спортчы катнашты. Түбән Кама бадминтончылары бик яхшы чыгыш ясадылар. 2006-2007 елгылар арасында парлы һәм катнаш командаларда Ксения Халаимова, Степан Волков һәм Анастасия Исаева беренче урыннарны алганнар (тренерлары Д.Волков һәм О.Юрова). 2008 елгы һәм аннан яшьрәкләр арасында Виктория Афанасьева – икенче, тагын биш яшь бадминтончы өченче урыннарга лаек булганнар.
Фәрит ВАГЫЙЗОВ.
Автор фотосы.