“Нефтехимик” Түбән Новогородның “Торпедо” командысында оттырды

Уен 4:2 исәбе белән тәмамланды.

"Нефтехимик" хоккейчылары өйдән читтә узган уеннар сериясен оттырудан башлады. Түбән Новгородта түбәнкамалылар 4:2 исәбе белән җирле "Торпедо"га биреште.

"Нефтехимик" командасы "Торпедо" белән бер атна элек Түбән Камада "Нефтехим Арена" бозында очрашкан иде, ул чакта "химиклар" җиңү яулады.

Киләсе уен 8 декабрьдә, Мәскәү өлкәсендә "Спартак" белән узачак. 38 уеннан соң түбәнкамалылар активында 52 очко булды, шулай иттереп "Нефтехимик" "Көнчыгыш" конференциясендә 8 урында бара.

"Торпедо" (Түбән Новгород) - "Нефтехимик" (Түбән Кама) - 4:2 (1:0, 3:0, 0:2)

Алкаларны Сёмин (16), Эштон (34), Осипов (34), Воробьев (37) - Лекомцев (51), Коньков (58) кертте.