Психология тренинглары узды

Аларны Казан психологы Татьяна Савельева алып барды. Шөгыльләрдә шәфкать туташлары хисләре белән идарә итәргә, стресс һәм низагларны контрольдә тотарга өйрәнә. Дәваханәдә мондый тренинглар еш уздырыла. Беренче чиратта, алар низагларны булдырмау, медицина ярдәме күрсәтүгә бердәм якын килү, командада эшләргә өйрәтү, бер-береңне ишетү һәм аңлау өчен үткәрелә. Мондый шөгыльләрдә кешеләр төрле хәлләр буенча үз фикерләрен җиткерәләр. Татьяна Савельева аларны уен рәвешендә дә алып бара.