Вакытлыча тыярга

Россиянең баш санитар дәүләт табибы Анна Попова составында спирт булган эчәргә яраксыз продукцияне берәмләп сатуны тыярга дигән карар чыгара.

Әмма барлык эшмәкәрләр дә моңа колак салмый. Эчкечеләр арзан лосьон,одеколлоннар белән баш төзәтә. Ә бу аянычлы тәмамланырга мөмкин. Иркутскида 76 кеше һәлак булган. Быел Түбән Камада 2,5 тонна легаль булмаган алкоголь эчемлек кулланылыштан алынган. Әлеге фактларны ачыклау максатыннан дәүләт алкоголь инспекциясе хезмәткәрләре рейдлар уздыра.