Түбән Камада тукталышларны төзекләндерәчәкләр

Түбәнкамалылар «Җиңүнең 30 еллыгы» тукталышыннан канәгать түгел. Аңа күптәннән алыштыру яки ким дигәндә ремонт кирәк диләр. Кышын биредә салкыннардан һәм бураннан качып булмый, ә көзен — җилдән һәм яңгырдан.

НТР 24 каналына хәбәр итүләренчә, тукталыш түбәсен төзәтәчәкләр, ә апрель аенда павильонны тулысынча төзекләндерү планлаштырыла. Шул ук вакытта, мөмкин булганча, шәһәрнең тагын берничә ноктасында эшләр башкарылачак. Кайсы тукталышлар яңара — монысы экспертлар бәяләгәннән соң төгәл билгеле булачак.

«Бюджетта 600 мең сум акча бар. Хәзерге вакытта белгечләр павильоннарны тикшерә. Ремонтка бездә металл конструкцияләрне буяу, түбәне, ян панельләрне һәм тукталыш павильонының арткы өлешен алыштыру керә», — дип хәбәр итте «ДЕЗ» МБУнең директоры вазифаларын башкаручы Айрат Наскаев.