Түбән Кама балалар лагерьларында иминлекне росгвардиячеләр тәэмин итәчәк

Түбән Камада балалар-сәламәтләндерү кампаниясе башланыр алдыннан, традиция буенча, террорчылыкка каршы комиссиянең ведомствоара эшче төркеме киңәшмәсе узды.

Анда яшьләр белән эшләү бүлеге, Түбән Кама районы мәгариф идарәсе башлыклары һәм эчке эшләр министрлыгының җирле бүлеге җитәкчесе чыгыш ясады.

Сүз лагерьларда иминлек тәэмин итү турында барды. Алар барысы да Росгвардия хезмәткәрләре һәм шәхси сак предприятиеләре саклавында тора. Алар инструктаж үткән һәм гадәттән тыш хәлләргә әзер. Шулай ук учреждениеләр янгын сигнализацияләре һәм янгын сүндерү чаралары белән җиһазландырылган.

Элегрәк TATAR LIFE Түбән Камада комиссия балалар лагерьларын тикшерә дип хәбәр иткән иде.