Түбән Кама районында беренче өшү очрагы теркәлгән

Салкыннар җитте. Бүген көндез терекөмеш баганасы 16 градуска кадәр төште.

Районда өшү очрагы теркәлгән. Әлеге хәл 8 ноябрьдә Сухрау авылы тирәсендәге трассада була. Исерек хәлдәге ир-егет хастаханәгә озатыла, ләкин ул соңрак медицина ярдәменнән баш тарта. Табиблар исә салкыннар җитү белән сәламәтлеккә аеруча игътибарлы булырга киңәш итә.

Табиблар өшемәс өчен җылы киенергә, битне ныграк капларга, кул-аякларны сакларга киңәш итә. Ә иң мөһиме, спиртлы эчемлек белән мавыкмаска.

Өшегән очракта табиблар вакытында тиешле ярдәм күрсәтелмәсә, кеше аяк-кулсыз да калырга мөмкин дип кисәтә.