Түбән Кама поликлиникасына көн саен уртача 200 кеше килә...

Алар температура күтәрелү, томау төшү, тамак авыртуыннан зарлана.

Грипп диагнозы әле беркемгә куелмаган. Табиблар әйтүенчә, бу авыруны башкалары белән бутау авыр. Кискен респиратор вируслы инфекция һәм грипп белән авыру эпидемия бусагасыннан әле узмаган. Әмма хәлләр гыйнвар аеның икенче яртысыннан кискенләшергә мөмкин. Шуңа күрә сәламәтлекне саклау чараларын хәзердән үк күрергә кирәк: күп кеше булган урыннарда булмаска, кулларны юарга, вируска каршы препаратлар кабул итәргә. Россиянең 35 төбәгендә кискен респиратор вируслы инфекция һәм грипп авырулары буенча эпидемия бусагасыннан узган. Биш кешенең үлүе билгеле.