«Татфондбанк» клиентларының 80 проценты акчаларын кайтарганнар

Бу ике миллиард сум чамасы.

Сүз әлеге банкта 1 миллион 400 мең сумга кадәр акчалары булганнар турында бара. Шәхси эшмәкәрләр, юридик затлар белән дә барысы да уңай хәл ителер кебек. Татарстан Президенты хөкүмәткә кече һәм урта эшмәкәрлеккә ярдәм итү чараларын күрү турында йөкләмә биргән иде. Татарстан икътисад министры Артем Здунов әйтүенчә, эшмәкәрләр белән берлектә махсус эш төркеме булдырылачак. Эшмәкәрләр үз ликвидлыкларын саклап калсын өчен, ташламалы шартларда финанслау фондыннан микрокредитлар, микрозаймнар алу мөмкинлеге дә булдырылачак.