Түбән Каманың “Апуш” балалар китапханәсендә 2 яшьтән алып 6 яшькә кадәрге балалар шигырь сөйләү осталыгында ярыштылар.

Кечкенә нәфис сүз осталары мәртәбәле жюри әгъзаларын үзләренең образлары, сәнгатьле сөйләм осталыгы, иҗади чыгышлары белән шаккаттырырга тырыштылар.

“Апуш” балалар китапханәсендә 2 яшьтән алып 6 яшькә кадәрге балалар шигырь сөйләү осталыгында ярыштылар. Кечкенә нәфис сүз осталары арасында көндәшлек көчле була. 1 нче турда  50гә  бала катнашып, шуларның яртысы финалга чыккан.

93 нче балалар бакчасына йөрүче Салават Ахбаев та финалистлар исемлегенә эләгә. Бәйгедә беренче тапкыр гына катнашса да, 6 яшькә кадәрге балалар арасында аңа тиңнәр булмый.

“Сөйлим анам телендә” бәйгесе Түбән Камада өченче тапкыр үткәрелә. Иганәчеләр булып Бөтендөнья татар конгрессы каршында эшләүче “Ак калфак” татар хатын-кызлар оешмасы чыгыш ясый. Җиңүчеләргә дипломнар һәм истәлекле бүләкләр тапшырыла.