Түбән Камада иң затлы татар егете белән татар кызын сайладылар

Дауд Хәбибуллин үзен  “Мин – татар баласы!” дип горур әйтә. Милләте, аның үткәне белән кызыксынып, киләчәге өчен җан атып йөри. Шул мәхәббәте аңа “Түбән Кама батыры” бәйгесендә җиңәргә ярдәм итә. 

Рамазан Хөснуллин исә “Тамашачы мәхәббәте” номинациясендә җиңә. Тавыш бирү социаль челтәрләрдә оештырыла. “Түбән Кама батыры” бәйгесе финалына барлыгы 5 егет  чыга. Жюри әгъзалары яшьләрнең сәхнәдә үз-үзләрен тотышларын, артистлык осталыкларын бәялиләр.

Түбән Кама батыры белән гүзәлен, матур гадәт буенча, бер көнне сайлыйлар. Һәм бу юкка түгел – асыл татар кызлары янында батыр йөрәкле егетләр булырга тиеш, ди оештыручылар. 

Жюри әгъзалары билгеләп үткәнчә, һәр чыгыш үзенчәлекле. Тавыш бирү нәтиҗәләре буенча, “Түбән Кама гүзәле ” исеменә Азалия Миндубаева, егетләр арасында гран прига Дауд Хәбибуллин лаек була.