Уңышны күрсәтәсегез килсә
«Берегиня» клубы пенсионерлары Красный Ключ бистәсендәге «Мирас» мәдәният йорты администрациясе, китапханәсе һәм Түбән Кама шәһәре ветераннар советы белән берлектә, «Көзге уңыш – 2018» дип исемләнгән күргәзмә-бәйге оештыра.
Ул 19 сентябрьдә 11.00 сәгатьтә «Мирас» мәдәният йортының кече залында үтәчәк. Катнашырга теләүче пенсионерларның үз бакчаларында үстергән җиләк-җимеш һәм яшелчәләрне, алардан әзерләнгән ризыкларны күргәзмәгә 10.00 сәгатьтә алып килеп, тезеп, әзерләп куюлары сорала.
Жюри әгъзалары җиңүчеләрне биш номинациядә билгеләячәк: «Җиләкләр», «Җимешләр», «Чәчәкләр», «Яшелчәләр», «Кулинария һәм консервлау». Аларны дипломнар һәм бүләкләр көтә. Өстәмә мәгълүматны телефоннан 47-38-49, 8-917-235-46-15 номерына шалтыратып белеп була.
Земфира РӘХИМОВА, «Берегиня» клубы җитәкчесе.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев