Түбән Камада язгы ярминкәләр дүрт мәйданчыкта үтәчәк

Татарстанда 18 марттан 22 апрельгә кадәр авыл хуҗалыгы продукциясен сату буенча язгы ярминкәләр эшли башлый. Бу хакта Авыл хуҗалыгы һәм азык-төлек министры Марат Җәббаров җиткерде.

Сүз уңаеннан, узган ел да ярминкәләр 19 марттан 23 апрельгә кадәр үткәрелгән булган. 

Ә Түбән Камада авыл хуҗалыгы ярминкәләре гадәттәгечә дүрт мәйданчыкта эшләр дип көтелә. Алар: «Комета» базары, Көньяк урамында урнашкан «Магнит» сәүдә үзәге территориясе, «Бызов» базары һәм Актүбә урамында урнашкан «ЭкоАгроПарк».

2022 елда 40 тан артык ярминкә үткәрелгән, аларда 30 миллион сумнан артык авыл хуҗалыгы продукциясе сатылган.