Кичә, бүген, иртәгә
Трамвайда – касса аша
Хәзер Түбән Камада трамвайда билет өчен банк картасы белән дә түләп була. Пенсионерлар күптән бердәм билет белән йөрсәләр, калганнар акчалата биргәннәр. Ә хәзерге заманда кесә тутырып акча йөртү гадәте бетә бара. Кеше күбрәк банк карталарыннан файдалана.
Трамвай кондукторларының кулларында – кечкенә онлайн-касса. Шуңа банк картасын куюга, чек чыгып, андагы мәгълүмат Федераль салым инспекциясенә җибәрелә. Мобиль банк кушымтасын урнаштыручылар кассага телефоннарын гына тидереп ала. Бу яңалык транспортта тикшерү-касса җиһазлары файдалану кануны гамәлгә ашырылуы белән бәйле.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев