Сак булыгыз: бозлавык!

Шушы атнаның беренче ике көнендә генә дә шәһәребез урамындагы юлларда таеп егылып имгәнүчеләр саны 43кә җиткән.

Травматология пункты мөдире Л. Ибраһимова сүзләренә караганда, шуларның 5есе кулын яки аягын сындырган. Нигездә, унсигездән алып илле яшькә кадәрге ирләр һәм хатын-кызлар укырга яки эшкә барганда егылып имгәнгән. Моңа ике тәүлек буе яуган карлы яңгырның, көчле буранның юлларны көзгедәй ялтырап торган бозга әйләндерүе сәбәп булган. Имгәнүләрдән саклануның чарасы бер генә: аяк астын чамалап, ашыкмыйча йөрергә кирәк.