Мәктәп программасына сызым дәресләре кире кайтарылырга мөмкин

Дәүләт Думасының Мәгариф комитеты рәисенең беренче урынбасары Яна Латратова министр Сергей Кравцовка мәктәп программасына сызым (черчение) дәресләрен кире кайтару тәкъдиме белән мөрәҗәгать итте.
Бу хакта «Известия» басмасы хәбәр итә.

Инициатива авторы фикеренчә, бу фән булмау сәбәпле, укучыларда киңлек һәм иҗади фикерләү формалашмый, аларның алга таба белем алу өчен нигез салынмый.

Югары уку йортларында инженер белгечлекләрендә студентларга сызымны иң баштан мөстәкыйль өйрәнергә туры килә. Шул авырлык аркасында студентлар башка белгечлекләргә күчә.

Исегезгә төшерәбез, сызым дәресләре рәсми рәвештә 2019 елда мәҗбүри мәктәп программасыннан чыгарылды.