Түбәнкамалыларны Муса Җәлилнең туган көненә багышланган акциядә катнашырга чакыралар

Түбән Камада яшәүчеләр бөек татар шагыйре-герой Муса Җәлилнең туган көненә багышланган акциягә кушыла ала.

Моның өчен шагыйрьнең шигырьләрен теләсә кайсы телдә видеога яздырып, «ВКонтакте» да #ЧитаемДжалиля2023 яки #ҖәлилнеУкыйбыз2023 хэштегы белән үз битенә куярга кирәк.

Акция 15 февральгә кадәр дәвам итәчәк. Иң яхшы эшләр Түбән Кама китапханәләренең «ВКонтакте» социаль челтәрендәге рәсми битендә басылып чыгачак.