Кыскача

Пармен епископы фестивальне хуплаган һәм үзе дә анда катнашкан. Чарада Казан һәм Чистай епархияләренең барлык иҗат коллективлары чыгыш ясаган. Алар арасында «Сүрәкә» фольклор ансамбле дә булган. Барлык катнашучыларга дипломнар һәм истәлекле бүләкләр тапшырылган.

Япониядә керәшеннәр турында китап дөнья күргән.  
«Возрождение этноса в современной России: этничность и религиозно-культурное движение кряшен в современном Татарстане в постсоветский период» дип исемләнгән бу басманы яшь галим, Хоккайдо университетын тәмамлаган, хәзерге вакытта Япониядә рус теле тәрҗемәчесе булып эшләүче Акира Сакурама язган. Китап нигезендә керәшеннәр турында диссертация эше ята. Ул япон телендә чыккан һәм антропология, динара һәм милләтара мөнәсәбәтләр белән кызыксынучылар өчен файдалы булыр. Акира Сакурама республика керәшеннәренә яхшы таныш. Ул бирегә 2003 елда килеп, 10 ел дәвамында тикшеренү эше алып барган. Аннары Япониядә керәшеннәр турында диссертациясен яклаган. («Туганайлар» газетасы).