Түбән Камада иң яхшы Яңа ел бизәлешенә конкурс башланды

Түбән Камада иң яхшы Яңа ел бизәлешенә конкурс башланып китте. Бу хакта шәһәр җитәкчеләренең атналык планеркасында территориаль иҗтимагый үзидарә советы җитәкчесе Әлфинә Сөнгатуллина хәбәр итте.

Быел конкурста берьюлы сигез номинация тәкъдим ителде:

«Яңа ел серпантины» — биналарның, агачларның һәм коймаларның фасадларын комплекслы яктырту;
«Йортымда Яңа ел бизәлеше» — йорт яны территорияләрен бизәү;
«Минем тәрәзәдә Яңа ел» — учреждение һәм оешмаларның тәрәзәләрен бизәү;
«Тылсымлы әкиятләр, кышкы хыяллар» — фойе , биналарның рекреация зоналары бизәлеше;
«Яңа ел белән! Без сезгә бик шат!» — сәүдә залларын бизәү;
«Яңа ел баскычы-2023» — подъездны бәйрәмчә бизәү;
«Минем тылсымлы кышкы шәһәр!» — Яңа ел башлану мизгелләрен һәм кышкы шәһәрнең матурлыгын чагылдыра торган оригиналь фотосурәтләргә конкурс;
«Ретро стильле Раштуа чыршысы» — учреждениеләрдә, урамда яки йортларда чыршы бизәү.

Моңа кадәр без Түбән Кама микрорайоннарында Яңа ел чыршыларын ачу графигы билгеле булды, дип язган идек.