Түбән Камада хәрби-патриотик җырларны иң яхшы башкаручыларны ачыкладылар

Түбән Камада «От Героев былых времен...» хәрби-патриотик җыр муниципаль конкурсы төгәлләнде. Бу хакта Түбән Кама муниципаль районы яЯшьләр эшләре идарәсе матбугат хезмәте хәбәр итә.

Финал гала-концерты 15 февральдә «Мирас» мәдәният йортында узды. 

Җиңүчеләр түбәндәге номинацияләрдә ачыкланды:

• Мәктәп укучылары арасында «Соло башкару» — Айдар Зинәтуллин һәм Елизавета Маркелова;
• Мәктәпләр арасында «Вокал төркеме/хор» — «Катюша» вокал төркеме;
• Урта һәм югары уку йортлары арасында «Вокаль группа/хор» — «Пятое измерение» вокаль ансамбле һәм Түбән Кама индустриаль техникумы вокаль ансамбле;
• «Эшче коллективлар» — Айгөл Мәгъсүмова;
• «Автор җыры» — 25нче гимназиянең вокаль ансамбле.

Конкурста җиңүчеләргә бүләкләрне Түбән Кама муниципаль районы башлыгы киңәшчесе Григорий Китанов һәм «Патриот» үзәге директоры Айрат Шәрифуллин тапшырды.