Түбән Камада «Тоталь диктант» узачак

8 апрельдә Түбән Камада Габдулла Тукай исемендәге үзәк китапханәдә «Тоталь диктант» үткәрелә. Чара 14.00дә башлана.

Быел диктант өчен махсус текстны танылган язучы, журналист һәм «Большая книга», «Национальный бестселлер» һәм «НОС» премияләре финалисты Василий Авченко язган.

Текст рус сәяхәтчесе, язучы һәм Ерак Көнчыгышны тикшерүче Владимир Арсеньевка багышланган. Хикәя диктант язучыларны бу кешенең тормышыннан кызыклы фактлар белән таныштырачак һәм рус телен белү дәрәҗәсен тикшерергә мөмкинлек бирәчәк. 

Моннан тыш, «Тоталь диктант» ны онлайн да язарга мөмкин булачак.

Моңа кадәр без Түбән Кама хакимияте Мәктәп бульварында Пушкин исемендәге сквер ясарга тәкъдим итте дип язган идек.