Түбән Кама хакимияте Мәктәп бульварында Пушкин исемендәге сквер ясарга тәкъдим итте

Түбән Кама хакимияте Мәктәп бульварында Пушкин исемендәге сквер төзергә тәкъдим итте. Бу хакта шәһәр мэры Рамил Муллин үзенең телеграм-каналында сөйләде.

«Өченче мәктәп һәм «Ковер» арасында Пушкин скверы ясау фикере бар. Без бу идеянең никадәр кирәк булуын, нинди уйлар һәм тәкъдимнәр барлыгын ишетергә телибез. Якын арада узачак фикер алышуларга чакырабыз», — диде шәһәр башлыгы.

Исегезгә төшерәбез, быел Мәктәп бульварын реконструкцияләү көтә. Ноябрьдә архитекторлар проектны тәкъдим итте. Сүз уңаеннан, фикер алышу барышында анда яшәүчеләр Александр Пушкин бюстын урнаштыру фикере белән чыккан иде.