Түбән Камада чаңгы һәм тимераякны прокатка алу пункты ачыла

20 декабрьдән Түбән Камада чаңгы прокаты пунктлары ачыла: «Батыр» спорт комплексында (9.00 сәгатьтән 19.00 сәгатькә кадәр), «Алмаш» укыту-тренировка базасында (9.00 сәгатьтән 20.00 сәгатькә кадәр) һәм «Гаилә» паркында (10.00 сәгатьтән 22.00 сәгатькә кадәр).

Тимераякта шуарга яратучылар өчен «Шинник» спорт комплексы, «Батыр» физкультура-сәламәтләндерү комплексы, «Нефтехимиклар» паркы, "Гаилә«паркы мәйданчыкларында тимераякта шуу пункты ачылды.

Түбән Камада 36 җиһазландырылган шугалак эшләячәк: шуларның 25е — шәһәрдә, 11е — районда.

Моннан тыш, 6 һәм 7 гыйнварда түбәнкамалыларны «Чаңгыда очрашырбыз» һәм «Шугалакта очрашырбыз» дигән массакүләм спорт акцияләрендә катнашырга чакыралар, дип хәбәр итә мэрия матбугат хезмәте.

Исегезгә төшерәбез, бу атнада Түбән Камада чыршы шәһәрчекләре ачыла башлаячак.