Түбән Кама Татарстанның алдынгы биш районы исемлегенә керде

Татарстан Республикасы Икътисад министрлыгы республика муниципаль берәмлекләренең социаль-икътисадый үсешенең чираттагы рейтингын бастырып чыгарды. Бу хакта «Татар-информ» мәгълүмат агентлыгы хәбәр итә.

Нәтиҗәләр 2022 елның гыйнвар-ноябрь айлары буенча ясалды. Әйтик, 2022 елның гыйнвар — октябрь айлары өчен алдагы рейтинг белән чагыштырганда, Түбән Кама районы элекке кебек үк бишенче урында калган. Әгәр 2021 елның гыйнвар — декабрь айлары статистикасы белән чагыштырсак, районның рейтингта бер юлга аска төшүен күрергә була.