Иң кирәге

Телне белү нәрсә өчен кирәк?
Тел – халыкның
милли байлыгы.
Теле аша гына гамәлләшә
Адәм баласының үзаңы.
Динне тоту нәрсә өчен кирәк?
Дин – халыкның әдәп-әхлагы.
Ислам дине булган яшәеше,
Татар баласының мәслагы.
Гыйлем безгә
нәрсә өчен кирәк?
Гыйлем – ул
тормышта төп нигез,
Дөньяви гыйлем дә,
дини гыйлем –
Яшәештә кирәк бертигез.
Тарих белү нәрсә өчен кирәк?
Тарихыңда милләт чәчәге.
Сабак алса кеше үткәненнән,
Ким дә хур булмас киләчәге...
Рәфыйк Әхмәдиев