Туган як

Урнашасың килсә, түлә!

Суд эскәмиясендә – алты кешене алдаган 29 яшьлек ир. Аларга ул «ТАНЕКО» га эшкә урнаштырырга вәгъдә биреп, акча сораган. Гомуми зыян күләме – 200 мең сум.

Ир танышларына «әтием заводта начальник булып эшли, сезне дә җиңел урнаштыра, 10 мең сум гына түләргә кирәк», – дигән. Әмма соңрак азрак сораган, дип уйлаган булса кирәк һәм «квалификация таныклыгы» өчен 7 мең сум түләргә кирәклеген әйткән. Ә кешеләр ышанган һәм түләгән.
– Якланучым үз гаебен тулысынча таныды, үкенә һәм зыян күрүчеләрнең акчаларын кайтарырга ниятли, – ди адвокат Тимур Коләхмәтов.
Гаепләнүче үтенече буенча, суд берничә тапкыр күчерелгән. Әмма бу юлы зыян күрүчеләр аны үткәрүләрен таләп иткәннәр. Тиздән хөкем карары да билгеле булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: