Өченче урыннарны алдылар

Н.А. Зеленов исемендәге «Шинник» спорт комплек-сының көрәш бүлегендә шөгыльләнүчеләр узган ял көннәрендә Зәй шәһәрендә үткәрелгән илкүләм ярышка барып кайттылар.
Андагы «Яшьлек» боз сараенда Зәй районының элекке башлыгы Ринат Фәр-диев истәлегенә багышлан-ган, инде традициягә кергән Бөтенроссия көрәш турниры узды. Татарстан, Башкортстан, Марий-Эл, Удмуртия, Кабарда-Балкар республикаларыннан, Оренбург, Самара, Ульяновск, Киров өлкәләреннән җыелган иң көчле көрәшчеләр бәйгесендә түбәнкамалыларның икесе уңышка иреште. «Ниж-некамскшина» акционерлык җәмгыяте эшчесе Илназ Таһиров һәм «ТАИФ-НК» җаваплылыгы чикләнгән җәмгыятендә эшләүче Рамил Минабетдинов 130 килограммнан авыррак үлчәүдәге пәһлеваннар арасында икесе дә өченче призлы урыннарны алдылар (бу ярыш
нигезләмәсе буенча, һәр үлчәүдә өченче урыннар берьюлы ике көрәшчегә бирелә).