Түбән Камада ОРВИ белән авыручылар арткан

Түбән Камада узган атнада кискен респиратор инфекцияләр белән авыруның 1586 очрагы теркәлгән, бу узган атнага караганда 6 процентка күбрәк.

Бу хакта «эшлекле дүшәмбе» дә Роспотребнадзорның территориаль бүлеге җитәкчесе Рөстәм Изиятуллин хәбәр итте.

Моннан тыш, шәһәрдә грипп та теркәлгән. Быел шәһәрдә 36 очрак билгеле.

Коронавируска килгәндә, бер атна эчендә ул 93 кешедә ачыкланган.

Изиятуллин ОРВИ белән хәлнең эпидемиологик бусагага якынлашуын билгеләп үтте.