Түбән Камада 35 мең кеше диспансеризация узган
Аларның 54 проценты — эшкә яраклы яшьтәге кешеләр.
2025 елда Түбән Кама шәһәрендә һәм районында яшәүче 110 меңнән артык өлкән кешене диспансерлаштыру планлаштырыла.
Бүгенге көнгә 35 мең кеше тикшеренү узган, аларның 54 проценты — эшкә яраклы яшьтәге кешеләр. Һәр икенчесенең сәламәтлегендә өстәмә диагностика таләп итә торган тайпылышлар ачыкланган.
Төп проблемалар: гипертония, югары холестерин, онкология белән авыру куркынычы факторлары, дип ачыклык кертте Түбән Кама муниципаль районы сәламәтлек саклау идарәсе җитәкчесе Сергей Мерясев «эшлекле дүшәмбе»дә.
Шулай ук шәһәрдә булачак ата-аналарның сәламәтлегенә ярдәм итүгә юнәлдерелгән репродуктив диспансеризация уза.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев