«Тәмәкене кәнфиткә алыштырабыз»

Бу хакта Түбән Кама муниципаль районының сәламәтлек саклау идарәсенең матбугат хезмәте хәбәр итә.

Чара 27 май көнне Үзәк базар янында узды, аны иҗтимагый сәламәтлек һәм медицина профилактикасы үзәгенең хезмәткәрләре үткәрде.

Акция барышында медицина хезмәткәрләре тәмәкене кәнфитләргә алыштырып кына калмадылар, тәмәке тартучыларга бу гадәтнең зыянлы булуын да искәрттеләр.

«Тәмәке тартучылар еш кына үпкәдәге яман шеш һәм хроник бронхиттан җәфа чигә. Тәмәке барлык органнарга да зыян китерә.
Шулай ук, тәмәке тартуның куркынычсыз ысулы да юк, шуңа күрә, бу гадәттән бөтенләй баш тартырга кирәк", - дип сөйләде табиб Юлия Чуданова.

Сүз уңаеннан, кәнфитне «тәмәкене беркайчан да тартмадым, тартмыйм һәм сезгә дә киңәш итмим», дигән түбәнкамалыларга да өләштеләр.