Түбән Камада балалар «Наркотикларсыз тормыш» акциясе кысаларында коллаж төзегән

Бу хакта Татарстан Республикасы хезмәт, мәшгульлек һәм социаль яклау министрлыгының матбугат хезмәте хәбәр итә.

Әлеге чара «Наркотикларсыз тормыш» акциясе кысаларында узган. Анда 11 балигъ булмаган бала катнашкан.

Алар иске журналлардан сәламәт яшәү рәвешенә багышланган рәсемнәрне табып-кисеп коллаж төзегән.

Дәрес ахырында балалар сәламәт яшәүнең мөһим шартлары – спорт белән шөгыльләнү, дөрес туклану һәм көн режимын үтәү турында фикер алышкан.