Туган як

Соңга калганчы табибка күренегез

Безнең халык табибка килеп «терәлгәч» кенә, барырга гадәтләнгән бит.

Баш авыртса да, йөткерсәк тә, «үтәр әле» дип, табиб ишеге төбендәге чиратлардан куркып, авыруны аяк өсте үткәрәбез. Ә хатын-кызлар, гомумән, үз сәламәтлегенә битараф карый.

Минем гүзәл затларга бер соравым бар: әйтегез әле, кайсыгыз хатын-кыз табибында даими күзәтелеп тора? Соңгы вакытта кайчан булды­гыз, әйтә аласызмы? Җавабын болай да беләм бит: «моннан берничә ел элек», «нәрсә калган анда?», «мин кияүдә түгел», «мин инде бала алып кайтырга җыенмыйм» һ.б. Күбегез табибка бару түгел, кайсы участокка караганыгызны да белми.

Хөрмәтле гүзәл затлар! Хатын-кыз табибына күренүне гадәткә кертергә кирәк. Хәтта җенси тормыш белән яшәмәсәгез дә, 18 яшьтән хатын-кыз табибына күренергә зарур. Моннан бер дә оялырга, гаеп эш итеп санарга кирәкми. Чөнки күп кенә авырулар башлангыч чорында ачык-ланса, тизрәк дәвалана. Ә авыруларның иң хәтәре – онкология. Статистика буенча, аналык җиңсәсендәге яман шеш белән авыручылар сан буенча беренче урында булганын беләсезме?

Онкогинекология яңа, заманча юнәлеш – хатын-кызларның җенес органнарында бар­лыкка килгән яман шешне дәвалау. Һәм ва­кытында ачыкланган очракта, яман чирне дә җиңәргә мөмкин. Онкологияне, дус кызыңның киңәшләре, тегеннән-моннан ишеткән чаралар белән генә дәвалап булмый. Вакытында табиб­ка мөрәҗәгать итү мөһим. Үз-үзегезне яратырга, кадерләргә өйрәнегез. Кызганыч, авырый баш­лагач, күп кенә хатын-кызларның якыннарына кирәге калмый. Тик ул вакытта эш узган була шул инде.

Румия Салихова, табиб-ординатор

Фото https://pixabay.com сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: