Саклану зыян итми

Татарстан белән янәшә генә урнашкан Оренбург өлкәсендә дуңгызларда Африка чумасы башланып китүе теркәлгән.

Таралган урынының республикабыз чигеннән 160 километр ераклыкта гына булуы сәбәпле, йогышлы терлек авыруының безнең республикага үтеп керү ихтималы да бар. Шуңа күрә, әлеге төбәктән үсемлек һәм терлекчелек продуктлары кертмәү максатында, ГАИ хезмәткәрләре белән берлектә ветеринария хезмәткәрләренең дежур торулары оештырыла һәм «Россельхознадзор» идарәсе хезмәткәрләре тарфыннан профилактика чаралары үткәрелә. Әлбәттә, кешеләр үзләре дә бу мәсьәләдә битараф булырга тиеш түгел. Әгәр дуңгызларда Африка чумасына каршы профилактикага кагылышлы сораулар туса, 41-80-26 телефонына шалтыратырга кирәк.