Чемпионат башланды

Региональ чемпионатны Татарстан Республикасы Хөкүмәте һәм «Татарстан Республикасының һөнәри компетенцияләрен үстерү үзәге» автоном коммерциячел булмаган оешмасы уздыра.
Татарстанда «WorldSkills Russia» һөнәри осталык буенча төбәк чемпионатында ярышлар 257 компетенция буенча, Татарстанның 19 шә-һәрендә һәм авылларында узачак. Бу исемлектә безнең Түбән Кама да бар.
Төбәк чемпионаты 5 этапта узачак. Быел компетенцияләр исемлеге киңәйтелгән. Яңа компетенцияләр арасында – «Цифрлы электропривод», «Оча торган робототехника», «Сити-фермерлык», «Компрессор җайланмалары машинисты», «Нефть һәм газ чыгару», «Сакчыл производство», «Банк эше», «Дәвалау эшчәнлеге», «Модалы кием һәм аксессуарлар дизайны», «Һава транспортында сервис», «Урнаштыруны дөрес оештыру», «Балаларга һәм өлкәннәргә өстәмә белем бирү», «Моушн-дизайн», «Алмазны кыру».
Региональ чемпионат нәтиҗәләре буенча WorldSkills Russia Милли чемпионатында (ярымфинал һәм финал) катнашу өчен Татарстан Республикасы командасы җыелачак.

Фото НМР сайтыннан алынды