Туган як

Шигырь кадерләре

Шигъри тәлгәшләр

Шигырь кадерләрен белгән чорлар
Булган бит ул...
Чын шагыйрьләр патша сараенда
Торган бит ул.

Чынбарлыкны туры күзгә карап
Әйткән шагыйрь;
Дөреслекне халык хөкеменә
Илткән шагыйрь.

Аның фикеренә колак салган
Патшалар да;
Яраклашып яшәмәгән үзе
Атсалар да.

Суынмасын шагыйрьлекләр безнең
Җаныбызда,
Хакыйкатькә зур ышаныч саклыйк
Каныбызда...

Ралия Кәримова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: