Туган як

Шигъри мизгелләр

Шигърият

Сыналса гына...
Яратып кавышканнар да
Яши кайчак теш кысып.
Ә күпмесе аерыла
Соңгы чиктә ызгышып.
Җиңел ул үзеңне яклап,
Башкага гаеп өю.
Чын буладыр гомер итеп,
Сыналса гына сөю.
Рифкать Имаев

Рәхмәт, көз!
Ялыктыммы җәйдән?!
Күңел көзгә тарта!
Алтын көздә үз-үземә
Ышанычым арта!
Көзге юллар – сихри...
Көзге уйлар – гамьле...
Җилдә очкан яфрак та
Өсти җанга, ямьне!
Беләм, көзне миндәй
Яратучы сирәк...
Күңелемә пыскып яуган
Көзге яңгыр кирәк!
Ни гашыйк итте соң,
Диярсез, көзләргә?
– Бәхетле җәйләрем
Дәвамлый, көзләрдә!
Бу бәхет чагыла
Нур булып, күзләрдә...
Бәхетле көннәрем –
Яңгырлы көзләрдә!
Бүгенге көзләрдә!
Илзирә Вәлиуллина

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: