Василий Игнатьев истәлегенә

Василий Ивановичның шахматка нинди катнашы бар дигәндә, 1987 елда Түбән Камада шахмат буенча  укулар оештырып җибәрү нәкъ менә аның тәкъдиме буенча тормышка ашырылды. Гомумән, В.Игнатьев  – шәһәребездә мәгариф системасын үстерүгә үзеннән зур өлеш керткән шәхес. Ул гомеренең күп елларын яшь буынны тәрбияләүгә багышлады – мәктәп директоры, район мәгариф бүлеге башлыгы, мәктәпара укыту-производство комбинаты директоры булды, Түбән Каманың мәгариф тармагын республика күләмендә танытуга иреште. Ул «Туган як» газетасының иң актив штаттан тыш хәбәрчесе дә иде әле, 1993-1994 елларда – ике ел рәттән – газетаның штаттан тыш хәбәрчеләре арасында уздырыла торган Н.Кузнецов исемендәге бүләккә ия булган кеше...
Шахмат ярышлары шәһәрнең 9нчы мәктәбендә 4 көн дәвам итте. Ярышлар жирәбә салып, Швейцария системасы буенча 7 турда узды. Уен нәтиҗәләре буенча, Данис Корбанов һәм Карина Мөхәммәтова турнирның җиңүчеләре булдылар.
Бәйге Түбән Кама муниципаль районы мәгариф идарәсе, Түбән Кама шахмат федерациясе һәм Игнатьевлар гаиләсе булышлыгы белән оештырылды.