Туган як

Тарихның данлы битләре

28 нче январда Казанда «Тарихның данлы битләре. Геройлар мәктәпләре» дип аталган V нче төбәкара проектлар конкурсы узды.

Бишенче ел рәттән бу конкурс башкалабызда Россия Герое М.Р.Әхмәтшин исемендәге 113 нче татар-рус урта мәктәбендә үткәрелә. Быел анда Татарстанның 56 мәктәбе һәм Россиянең биш төбәге: Дагестан һәм Хакасия республикалары; Волгоград, Киров һәм Ульяновск өлкәләре уку йортлары вәкилләре катнашты. Шул исәптән, Түбән Камадан 15 укучы бала хәрби-патриотик темага багышланган проектларын әзерләп, конкурска җибәрде.
Шәһәребездән 19 нчы мәктәпнең 6 нчы сыйныф укучысы Дилә Нуртдинова «Язучы-педагог Галимҗан Вәлиев иҗатында өчпочмаклы солдат хатлары» дип аталган чыгышы белән икенче урынны алды (җитәкчесе – татар теле һәм әдәбияты укытучысы Римма Закирҗан кызы Нуриәхмәтова). Шулай ук төбәкара проектлар конкурсының жюри әгъзасы, Түбән Каманың 11 нче урта мәктәбе укытучысы һәм музей җитәкчесе Фәрит Яхъя улы Вагыйзов хәрби-патриотик тәрбия өлкәсендә зур эш алып барган өчен Татарстан республикасы мәгариф ми-нистрлыгының Рәхмәт хаты белән бүләкләнгән.

Фәрит Маликов,
укытучы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: