Туган як

Унга барам - уңганчы барам

Бер мәртәбә кияүгә барып кайтканнарның кайберләре әнә шулай ди. Статистика мәгълүматларына күз салсак, соңгы елларда беренче никахларның яртысы диярлек таркала икән. Тик татар халкының "иртә уңмаган, кич уңмас, кич уңмаса - һич уңмас" дигәне дә бар бит аның. Әйе, кияүдән кайткан хатыннарның кайберләре, ире өйләнгәнче, яңадан кияүгә чыгу уе белән...

Бер мәртәбә кияүгә барып кайтканнарның кайберләре әнә шулай ди. Статистика мәгълүматларына күз салсак, соңгы елларда беренче никахларның яртысы диярлек таркала икән. Тик татар халкының "иртә уңмаган, кич уңмас, кич уңмаса - һич уңмас" дигәне дә бар бит аның.

Әйе, кияүдән кайткан хатыннарның кайберләре, ире өйләнгәнче, яңадан кияүгә чыгу уе белән яна. Янәсе, менә, ул төшеп калганнардан түгел, тагын кияүгә чыкты. Ә иренә, начар булгач, баручы да юк. Андый хатыннар интернетта булган танышу сайтларында актив язышучылар, танышу турында игъланнар бирергә яраталар. Шул ук вакытта кайбер ачыкавызлары альфонслар корбаны булып куя.

Кайберләре беренче никахлары таркалгач, озак еллар үзләре генә яшәп ялгызлыкка ияләнә, алар инде янәшәләрендә кеше булуны күз алдына да китерә алмыйлар.

Икенче яки өченче мәртәбә бәхетләрен сынап карарга теләүчеләргә психологлар беренче ирен алыштыруны түгел, ә бәхетле булуны максат итеп куярга тиешләр. Беренче чиратта, һәр ирне дә алдакчы, оятсыз, сәрхүш дип кабул итмәскә. Мондый хатын-кыз үзен-үзе ялгызлыкка этәрә. Икенче никахны чынга ашмас планнар белән кормагыз, үзегезнең нинди адымга барганыгызны тагын бер кат ныклап уйлагыз.

Икенчедән, үзегезнең ирләргә булган ачуыгызны кыз балаларыгызга көчләп такмагыз. Югыйсә, аларның да кияүгә чыга алмый ялгыз калулары мөмкин.

Өченчедән, һәр хатын-кыз үзе идарә итә алырдай, шул ук вакытта акыллы һәм акчалы ир-ат эзли. Тик андыйлар җир йөзендә бик сирәк, булганнары да инде күптән ышанычлы кулларда.

Сер түгел, икенче никах, күп очракта мәхәббәткә түгел, ә үзара килешүгә корыла. Беренче ир белән яшәгәндәге ялгышларны төзәтеп, тормышны яңадан кору өчен тагын бер мөмкинлек. Монда инде ирнең яки хатынның да баласы булырга мөмкин, икесе дә азмы-күпме материаль яктан тәэмин ителгән. Шуңа күрә "синең балаң", "минем акчам, квартирым, машинам" дигән сүзләр еш ишетелергә мөмкин. "Яңа әти"нең бала психологиясенә йогынты ясавын да онытмагыз. Беренче көннән үк аңа "әти" дип эндәшергә кушу, үзе үк баланы читләшүгә этәрә.

Һәм иң соңгысы, бер баскан тырмага кабат-кабат басмаска, үткәндәге ялгышларны кабатламаска кирәк.

Нравится
Поделиться:
Реклама
Комментарии (0)
Осталось символов: