Садаканың максатлары

Садака Аллаһы Тәгалә ризалыгы өчен бирелә, ягъни Ул кушкан кешеләргә һәм урыннарга (ятим, мохтаж, мескеннәргә, мәчет-мәдрәсәләргә) шундый ниятләр белән бирергә мөмкин:

• Раббым Аллаһ, бу садакам уттан пәрдә булса иде; 
• Раббым Аллаһ, бу садакам фәрештәләрнең догасын алу өчен; 
• Бу садакам начар үлемнән һәм Аллаһның ачуыннан саклану өчен; 
• Раббым Аллаһ, бу садакам әҗер күп булсын өчен;
• Раббым Аллаһ, бу садакам авырулардан саклану, шифа табу өчен;
• Раббым Аллаһ, бу садакам гөнаһлардан пакьләнү өчен; 
• Раббым Аллаһ, бу садакам мәхшәр мәйданында садака күләгәсе булдыру өчен;
• Раббым Аллаһ, бу садакам кабер газабыннан саклану өчен; 
• Раббым Аллаһ, бу садакам Кыямәттә үлчәүнең изге гамәлләр ягы авыр булсын өчен; 
• Раббым Аллаһ, бу садакам җәһәннәм әсирлегеннән саклану өчен;
• Раббым Аллаһ, бу садакам Сыйрат күперендә нык тору өчен;
• Бу садакам, Аллаһ каршында калган бурычлар гафу ителү өчен; 
• Раббым Аллаһ, бу садакам калеб катылыгыннан имин булу өчен; 
• Раббым Аллаһ, бу садакам үкенечкә калмасын өчен (изге гамәлләр кылмаган өчен); 
• Раббым Аллаһ, бу садакам җәннәттә садака капкасына чакырсыннар өчен; 
• Раббым Аллаһ, бу садакам гөнаһлы үлемнән саклану өчен; 
• Бу садакам Аллаһ мине яратсын өчен (Аллаһ каршында иң сөекле кеше — башкаларга файдалы булган кеше); 
• Раббым Аллаһ, бу садакам әбрар (изгелекнең иң югары ноктасы дәрәҗәсенә ирешер өчен (үзеңә иң кадерле әйберне садака итеп бирмичә, әбрар дәрәҗәсенә ирешеп булмый); 
• Раббым Аллаһ, бу садакам залимнәрдән сакланыр өчен;
• Бу садакам Аллаһ мине игелекле, тәкъва кылсын өчен;
• Бу садакам Аллаһ мине гел тәүбә кылучылардан итсә иде;
• Бу садакам Аллаһ миңа юмартлык дәрәжәсе бирсен өчен; 
• Бу садакам Аллаһ мине сабыр колларыннан кылсын өчен...