Исеме җисеменә туры киләме?

Эшне үзәктән, Төзүчеләр проспектыннан башладык. Шәһәребезнең тарихи, иң беренче урамы исемен язуда татар хәрефләре җитмәгәндер, күрәсең: 4 а һәм 4 б йортлары стеналарында «Төзучеләр» дип язылган элмә такталар тора... 

Янәшәдәге Актүбә урамы да «Актуба» дип тамгаланган. Анда бигрәк кызык: 5а йортында «Актубә», 2 нче йорт стенасына «әхтүбә» дип язылган. Шәһәребез кунакларына баш ватарга гына кала – бу урам исеменең кайсы дөрес соң?

Шушы ук урам башында урнашкан бик «модный» чәчтарашханәнең элмә тактасын ясаганда 2 хата җибәргәннәр: «ә» хәрефе баш-аягы белән әйләндереп, «евро» символына охшатып куелган. 

Янәшәдәге кафеның эш вакытын күрсәткән язуда хаталы 4 сүз бар: «Душ», «Жом», «коннәрендә», «Ахтубинская ур». Ә дөрес язылышы менә болай булырга тиеш: «Дүш», «Җом», «көннәрендә», «Актүбә ур»... 

Шәһәребезнең яңа микрорайоннарындагы элмә такталарда да хаталар еш очрый. Бигрәк тә тарихи шәхесләр исеме белән бәйләнештә булганнарында. Мәсәлән, Бакый Урманче урамында. Ничек кенә 
төрләндереп бетермәгәннәр Бакый аганың исемен һәм фамилиясен! 

Шундый ук хәлләр Сөембикә урамында да күзәтелә. 58 нче йорт элмә тактасына исем «Сөембике» дип язылган. Ярый әле «...бөке» дип язмаганнар! Ә янәшәдәге 60 нчы йортта урам исеме хатасыз язылса да, табличка бик ямьсезләнгән, кояшта уңып, яңгырда тимере күгәргән...